Банан нь нүүрс усны агууламжаараа баялаг бөгөөд ялангуяа глюкоз, фруктоз зэрэг энгийн сахарууд ихээр агуулагддаг тул хурдан шингэж, бие махбодид амархан энерги өгдөг. Healthline-ийн мэдээлснээр, дунд зэргийн хэмжээтэй нэг бананд ойролцоогоор 27 грамм нүүрс ус байдаг бөгөөд энэ нь гүйх, дугуй унах зэрэг тэсвэрийн дасгалд эрч хүч нэмэх хамгийн тохиромжтой хүнс болгодог.
Мөн банан нь булчингийн агшилт, мэдрэлийн үйл ажиллагаа, шингэний тэнцвэрт чухал үүрэгтэй электролит болох калигаар баялаг. Калийн хэмжээ бага үед булчин татах эрсдэлтэй байдаг тул дасгал хийхийн өмнө банан идэх нь ийм зовиурыг бууруулахад тусалдаг.
Garage Gym Reviews-ийн мэргэжилтнүүдийн үзэж буйгаар банан нь зөвхөн шим тэжээлээрээ төдийгүй авч явахад хялбар, боломжийн үнэтэй, мөн ходоодонд хөнгөн шингэдэг учраас хамгийн тохиромжтой дасгалын өмнөх зууш юм.
Энэхүү мэдээлэл нь зөвхөн ерөнхий мэдээ, мэдээлэл өгөх зорилготой бөгөөд мэргэжлийн эмчийн зөвлөгөөг орлохгүй. Эрүүл мэндийн асуудалтай бол эмч эсвэл мэргэжлийн байгууллагад хандахыг зөвлөж байна.
Эх сурвалж: Healthline. Should You Eat a Banana Before a Workout?
