Оройн 21:00 цагаас хойш хооллох нь хоол боловсруулах замын архаг өвчлөлийн эрсдэлийг хоёр дахин нэмэгдүүлдэг. Ялангуяа стресстэй байгаа үедээ оройтож идэх нь суулгах, өтгөн хатах зовиурыг 2.5 дахин нэмэгдүүлдэг байна. Энэ буруу зуршил нь гэдэсний бичил биетний тэнцвэрийг алдагдуулж, тархи болон хоол боловсруулах тогтолцооны харилцан хамаарлыг саатуулдаг байна. Бие махбод биологийн цагтаа зохицож хоол боловсруулдаг тул юу идэхээс гадна хэзээ идэх нь эрүүл мэндэд нэн чухал юм.
Мөн бидний гэдсэнд амьдардаг ашигтай бичил биетүүд тодорхой хэмнэлээр ажилладаг. Харин шөнө орой тогтмол хооллох нь энэ тэнцвэрийг алдагдуулж, хоол боловсруулах үйл явц болон дархлаанд хүртэл сөргөөр нөлөөлж болзошгүй. Сүүлийн жилүүдэд эрдэмтэд гэдэс болон тархи хоорондоо маш нягт холбоотой ажилладаг болохыг онцолж байгаа бөгөөд буруу цагт хооллох нь сэтгэл санаа, нойр, төвлөрөлд хүртэл нөлөөлдөг гэж үздэг.
![Сурталчилгаа](https://durvunzug.com/wp-content/uploads/2026/03/4-зүг-сурталчилгаа-мэдээ.png")
Тиймээс зөвхөн “юу идэж байгаа” биш, “хэзээ идэж байгаа” нь ч эрүүл мэндийн чухал хэсэг юм. Оройн хоолоо аль болох эрт, хөнгөн идэж хэвших нь гэдэсний эрүүл мэндээ хамгаалах хамгийн энгийн боловч үнэ цэнтэй дадлуудын нэг юм.
![Сурталчилгаа](https://durvunzug.com/wp-content/uploads/2026/03/4-зүг-сурталчилгаа-мэдээ-2.png")
Энэхүү мэдээлэл нь зөвхөн ерөнхий мэдээ, мэдээлэл өгөх зорилготой бөгөөд мэргэжлийн эмчийн зөвлөгөөг орлохгүй. Эрүүл мэндийн асуудалтай бол эмч эсвэл мэргэжлийн байгууллагад хандахыг зөвлөж байна. Манай мэдээллийг авах, гээхийн ухаантай уншаарай. Таньд талархлаа.
Эх сурвалж: New York Medical College at Saint Mary’s and Saint Clare’s Hospital
