Шүд цоорох нь дан ганц чихэр идэхээс шалтгаалдаггүй. Үнэндээ шүд цоорохын гол буруутан бол бактери юм. Тэгээд бүр эдгээр бактери нь хүнээс хүнд дамждаг байна.
Хэрхэн дамждаг вэ?
Өдөр тутмын энгийн зуршлуудын үед:
-
үнсэх
-
халбага, сэрээ хуваалцах
-
нэгэн аяга, соруул хэрэглэсэн
-
хүүхдийн амны хөхлөг (соска)-г амаар ариутгах
зэрэг үйлдлээр шүд цооролд хүргэдэг бактери дамждаг.
Гол буруутан нь Streptococcus mutans гэдэг бактери бөгөөд энэ нь шүдний гадаргууд наалдаж, хүчил ялгаруулан пааланг гэмтээдэг.
Шүлсний нөлөө
Шүлс бол олон төрлийн бактери агуулсан орчин. Хоёр хүн хоорондоо шүлсээ хуваалцах үед (үнсэлт, сав суулга дамжуулах гэх мэт) шүд цоорох нян жижиг дусалтай хамт дамжин, шинэ аманд хүрэхэд:
-
шүдний гадаргуу, товруу дээр бэхлэгдэнэ
-
чихэр, нүүрс ус орсон нөхцөлд хүчил үйлдвэрлэж эхэлнэ
-
пааланг зөөлрүүлж, цоорол үүсгэнэ
Хүүхдүүд хамгийн өртөмтгий
Бага насны хүүхдийн шүд бүрэн хөгжөөгүй байдаг тул бактери суурьшвал эрт үеийн шүд цоорол маш хурдан үүсдэг. Иймээс шүдний эмчилгээ аваагүй эцэг эхтэй хүүхдүүдийн хувьд шүд цоорох асуудал давхар ажиглагддаг нь тохиолдлын зүйл биш.
Насанд хүрэгчид ч бас халдааж чадна
Гэхдээ сайн дадал зуршлууд нь хамгаалалт болдог. Үүнд:
-
Өдөр бүр тогтмол шүдээ угаах
-
Утас ашиглан завсар цэвэрлэх
-
Чихэр, чихэрлэг ундааг багасгах
-
Тогтмол шүдний эмчид үзүүлэх
Эдгээрийг хэвшүүлснээр бактери дамжсан ч, таны амны хөндийд тогтож, шүдийг гэмтээх боломж маш бага болно. Шүд цоорох бол халдвар дамжих өвчин шиг шинж чанартай. Харин сайн ариун цэвэр, зөв дадал зуршилтай байвал энэ нян таны шүдэнд “нутагших” боломжгүй.
