Кенид ховорхон тохиолдох цагаан толбот зебра илэрсэн нь дэлхий даяар анхаарал татсан мэдээ болсон юм. 2019 онд зэрлэг байгалийн гэрэл зурагчин Фрэнк Лю Кенийн Масай Мара Үндэсний Байгалийн Цогцолборт Газарт меланизмийн шинжтэй зебра гүү түүний үр төлийн гайхалтай зургуудыг буулгажээ. Ердийн зебра шиг хар цагаан судалтай биш, харин энэ бяцхан зебра нь хүрэн бараандуу үстэй, цагаан толбот хээтэй байсан нь арьсны өнгөнд нөлөөлдөг ховор генетикийн өөрчлөлтийн үр дүн юм.
National Geographic-ийн мэдээлснээр, уг өвөрмөц байдлыг псевдомеланизм гэж нэрлэдэг бөгөөд энэ үед амьтны судлын хээ хэвийн бус болж өөрчлөгддөг. Энгийн босоо судлуудын оронд толбо болон жигд бус хээ үүсдэг байна. Мэргэжилтнүүдийн хэлснээр, энэ үзэгдэл зэрлэг зебра дунд маш ховор тохиолддог бөгөөд уг гүү Масай Марад баримтжигдсан анхны тохиолдол болжээ.
Хэдийгээр энэ нээлт хүмүүсийг сэтгэл догдлуулсан ч судлаачид зарим санаа зовнил илэрхийлжээ. Зебра нь судлаа ашиглан халхавчлах, бүлгийн уялдаа холбоо тогтоох, шавьжнаас хамгаалагдах үүрэгтэй байдаг тул хээний өөрчлөлт нь амьд үлдэхэд нь сөргөөр нөлөөлж болзошгүй ажээ. Гэсэн ч энэ цагаан толбот зебра байгаль дэлхийн гайхалтай, урьдчилан таашгүй шинжийн билэг тэмдэг болон, Кенийн биологийн олон янз байдлыг дэлхий дахинд таниулах шалтгаан болсон юм.
Эх сурвалж: National Geographic: “Rare polka-dotted zebra foal photographed in Kenya
