Мексикийн Гуанахуато хотын нэгэн багш цар тахлын үед аутизмтай сурагчдаа орхихоос татгалзаж, сургалтынхаа орчныг шууд утгаараа зам дээр авч гарсан нь олны анхаарлыг татаж байжээ.
VT News-ийн мэдээлснээр, цар тахлын улмаас олон хүүхэд ном, интернэтгүй болж хичээлээ үргэлжлүүлэх боломжгүй болсон байжээ. Ялангуяа аутизмтай хүүхдүүдэд тасалдсан сургалт нь хөгжлийнх нь хувьд илүү том саад болдог гэдгийг ойлгосон багш өөр шийдэл хайсан байна. Ингээд тэрээр ачааны машинаа жижиг анги болгон өөрчилж, сурагчиддаа хүрэхийн тулд өдөр бүр хоёр цаг орчим зам туулж эхэлжээ.
Daily Mail-ийн мэдээлснээр, багш ачааны машинаа хичээлийн хэрэгсэл, сургалтын материал, тухтай орчин бүрдүүлэх зүйлсээр дүүргэж, хүүхдүүдийг тайван суралцах боломжтой “явуулын анги” болгосон байна. Ингэснээр интернэт, сурах бичиггүйгээс болж хичээлээс хоцрох байсан олон хүүхэд сургалтаа үргэлжлүүлэх боломжтой болжээ.
Түүний ачааны машинд байрласан жижиг ангийн зураг, түүх цахим сүлжээгээр тарж, олон мянган хүн энэхүү багшийн сэтгэл, бүтээлч шийдэл, хүүхдүүдийн төлөөх үнэнч байдлыг сайшаан үнэлсэн байна.
Энэхүү мэдээлэл нь зөвхөн ерөнхий мэдээ, мэдээлэл өгөх зорилготой бөгөөд мэргэжлийн эмчийн зөвлөгөөг орлохгүй. Эрүүл мэндийн асуудалтай бол эмч эсвэл мэргэжлийн байгууллагад хандахыг зөвлөж байна. Манай мэдээллийг авах, гээхийн ухаантай уншаарай. Танд талархлаа.
Эх сурвалж: VT News, Daily Mail
