Хүний арьс, ялангуяа нүүрний хэсэг нь биеийн дотоод үйл ажиллагааг шууд тусгасан “эрүүл мэндийн толь” гэж эмч нар үздэг. Бие махбодид ямар нэгэн өөрчлөлт, асуудал үүсэх үед арьс бидэнд дохио өгдөг. Нүүрний аль хэсэгт батга, тууралт гарахаас шалтгаалан ямар эрхтэн асуудалтай байж болохыг дараах байдлаар харж болно.
1. Магнай болон хөмсөг орчмоор тууралт гарах
Дух, магнай болон хөмсөгний хооронд батга гарах нь ихэвчлэн хоол боловсруулах эрхтэн, ялангуяа гэдэс, элэгний үйл ажиллагаа алдагдсаныг илтгэнэ.
Магадтай шалтгаанууд:
-
Хэт их өөх тос, шарсан хоол хэрэглэх
-
Согтууруулах ундаа
-
Стресс болон унталтын хэмнэл алдагдах
Зөвлөмж:
Тослог хоол, хүнд хэцүү шингэцтэй хүнснээс татгалзах, ус сайн уух, амралтаа зохицуулах.
2. Хамар дээр батга гарах
Хамар дээрх батга нь зүрх судасны тогтолцоотой холбоотой дохио байж болох бөгөөд энэ нь стресс, цусны даралт ихсэх зэрэг шалтгаантай холбоотой.
Зөвлөмж:
-
Хангалттай унтаж амрах
-
Идэвхтэй хөдөлгөөн хийх
-
Давс, өөх тосны хэрэглээг хянах
3. Чихэн дээр юм гарах
Чихний орчмоор батга гарвал бөөр болон шээсний замын үйл ажиллагаанд анхаарах хэрэгтэйг илтгэнэ.
Шалтгаан байж болох зүйлс:
-
Шингэн дутагдах
-
Давс, кофе хэтрүүлэн хэрэглэх
Зөвлөмж:
-
Ус их уух
-
Давсны хэрэглээг багасгах
-
Кофе, хийжүүлсэн ундаанаас татгалзах
4. Хацар болон шанааны хэсэгт тууралт гарах
Хацарны дээд хэсгээр батга гарах нь уушги, амьсгалын замын асуудлыг илтгэх магадлалтай. Харин хацрын доод хэсгээр гарч байвал шүд, буйлны эрүүл мэндтэй холбоотой байж болно.
Зөвлөмж:
-
Тамхинаас хол байх
-
Цэвэр агаарт гарч алхах
-
Амны хөндийн ариун цэврийг сайн сахих
5. Уруул орчмын тууралт
Амны эргэн тойронд батга гарах нь хоол боловсруулах эрхтэн, ялангуяа бүдүүн гэдэс, ходоодны үйл ажиллагаа доголдсоныг илтгэдэг.
Зөвлөмж:
-
Түргэн хоолноос татгалзах
-
Ислэг ихтэй ногоо, жимс идэх
-
Хоолны цагийг тогтмол баримтлах
6. Эрүүн дээр тогтмол батга гарах
Эрүүн дээр батга тогтмол гарах нь нөхөн үржихүйн систем, дааврын өөрчлөлттэй холбоотой. Сарын тэмдгийн мөчлөгийн тодорхой үед эсвэл дааврын тэнцвэр алдагдсан үед энэ шинж илрэх нь элбэг.
Зөвлөмж:
-
Дааврын тэнцвэрийг шалгуулах
-
Өөх тосны хэрэглээг бууруулах
-
Хэрэв тогтмол, олон батга гардаг бол арьсны эмчид хандах
7. Хүзүү орчмоор батга гарах
Хүзүү орчимд батга гарах нь стресс, дааврын тэнцвэргүй байдал болон бамбай булчирхайтай холбоотой дохио байж болдог. Энэ нь мөн хүзүүний арьсанд тос хуримтлагдах, бохирдол сайн арилгаагүйтэй холбоотой байж болно.
Зөвлөмж:
-
Стресст өртөхөөс зайлсхийх
-
Унтах, амрах горимыг тохируулах
-
Хүзүүг тогтмол цэвэрлэх, арчлах
Нүүрэн дээрх батга, тууралтыг гаднаас нь зөвхөн тос, маскаар арилгах гэж оролдохоос гадна дотоод шалтгааныг анхаарч, бие махбодид өгч буй дохиог сонсож сурах нь хамгийн чухал. Эрүүл хооллолт, хангалттай ус уух, стрессийг зохицуулах зэрэг нь арьсны эрүүл байдалд шууд нөлөө үзүүлнэ. Харин шинж тэмдгүүд давтагдаж, удаан үргэлжилбэл мэргэжлийн эмчид заавал хандаарай.
