Филиппиний Минданао аралд илэрсэн ховор цагаан хэрээ байгаль хамгаалагчид, гэрэл зурагчид болон олон нийтийн анхаарлыг татаж байна. GMA Network-ийн мэдээлснээр шувууны гэрэл зурагчин Жун Рэй Яп 2025 оны арваннэгдүгээр сард Мисамис Ориентал мужийн Жасаан хотын орчимд энэхүү ер бусын хэрээг олж харж, зураг авчээ.
Тус хэрээний цасан цагаан өд нь альбинизм хэмээх удамшлын онцлогоос үүдэлтэй бөгөөд энэ нь биеийн пигментац буурах шалтгаан болдог байна. Ийм төрлийн шувууг байгальд олж харах нь маш ховор тохиолдол бөгөөд Яп үүнийг “саяд нэг тохиох уулзалт” хэмээн тодорхойлжээ.
8List.ph сайтын мэдээлснээр уг хэрээг нутгийнхан “Уэри” хэмээн нэрлэдэг бөгөөд анх 2020 онд ойгоос гэмтэлтэй байхад нь нэгэн айл аварч, асран хамгаалж байжээ. Тэд хэрээг эдгэрсний дараа байгальд нь буцаан тавихыг оролдсон ч шувуу байнга тухайн айл руугаа эргэн ирдэг байсан аж.
Альбинизмтай амьтад өнгөлөн далдлах чадвар сул байдаг тул зэрлэг байгальд амьд үлдэх нь илүү хүндрэлтэй байдаг. Тиймээс Уэригийн өнөөг хүртэл амьд үлдэж чадсан нь онцгой тохиолдол гэж үзэж байна. Түүний зураг, бичлэгүүд цахим орчинд хурдан тархаж, олон шувуу сонирхогч, гэрэл зурагчид тухайн бүсийг зориход хүргэжээ.
Энэхүү мэдээлэл нь зөвхөн ерөнхий мэдээ, мэдээлэл өгөх зорилготой бөгөөд мэргэжлийн эмчийн зөвлөгөөг орлохгүй. Эрүүл мэндийн асуудалтай бол эмч эсвэл мэргэжлийн байгууллагад хандахыг зөвлөж байна. Манай мэдээллийг авах, гээхийн ухаантай уншаарай. Танд талархлаа.
Эх сурвалж: GMA Network 8List.ph
