Хүчтэй байхын тулд зөв хүнсийг сонго. Биеэ, гоо сайхнаа, эрүүл мэндээ хамгаалъя.
Брокколи бол шим тэжээлээр баялаг, олон улсын эрүүл мэндийн байгууллагуудаар хамгийн ашиг тустай хүнсний жагсаалтад тогтмол ордог ногоо юм. Дараах 5 үндсэн шалтгаан нь танд яагаад өдөр тутмын хоолны цэсэндээ брокколийг оруулах хэрэгтэйг илтгэнэ.
1. Хорт хавдраас сэргийлэхэд тустай
Брокколи нь сульфорафан гэх бодис агуулдаг. Энэ нь хорт хавдрын эсийг саармагжуулах, ургалтыг дарангуйлах үйлчилгээтэй гэж судалгаагаар тогтоогдсон. Тухайлбал, бүдүүн гэдэс, хөх, түрүү булчирхайн хавдраас сэргийлэхэд үр дүнтэй.
2. Илүүдэл жинг бууруулахад нөлөөлнө
Эслэг ихтэй, калори багатай брокколи нь цатгалан мэдрэмж төрүүлж, хоолны дуршлыг хянахад тусалдаг. Энэ нь жингийн хяналт, өөх тосны хуримтлалыг бууруулахад дэмжлэг болдог.
3. Дархлааг дэмжинэ
Брокколи нь С амин дэмийн агууламжаараа онцгой. С амин дэм нь дархлааг дэмжих, ханиад томуунаас сэргийлэх, биеийн эсэргүүцэл сайжруулах чухал үүрэгтэй.
4. Арьсыг залуужуулах үйлчилгээтэй
Антиоксидант болон А, Е амин дэмээр баялаг тул арьсны өнгө сэргээж, үрчлээ багасгах, чийгшүүлэх, эсийн нөхөн төлжилтийг дэмжих нөлөө үзүүлдэг.
5. Зүрх судасны эрүүл мэндийг хамгаална
Холестерины хэмжээг бууруулах, судасны ханын уян хатан байдлыг сайжруулах зэрэг үйлчилгээгээр дамжуулан зүрх судасны өвчлөлөөс сэргийлэхэд нөлөөлдөг.
Өдөр бүр бага ч атугай брокколи хэрэглэх нь таны эрүүл мэндэд урт хугацааны үнэт хөрөнгө оруулалт юм. Эрүүл хүнсийг зөв зохистой хэрэглэж, эрүүл амьдралын хэв маягийг бий болгоцгооё.
