Орчин үед мэдээллийн эх сурвалжуудын ихэнх нь зурагт суурилсан хэлбэрээр түгээгддэг болсон. Тухайлбал, Instagram, Pinterest, X (хуучнаар Twitter), зарим гадаад сайт, блог, цахим хуудаснууд зурагт текст шингээж, мэдээллээ дамжуулах нь түгээмэл. Харин тэдгээр зурган дээрх гадаад хэл дээрх текстийг монгол хэл рүү хөрвүүлэх нь зарим тохиолдолд төвөгтэй, цаг их зарцуулдаг байсан билээ.
Харин одоо та тэгж суух шаардлагагүй боллоо. Google-ийн боловсруулсан Gemini AI нь энэхүү асуудлыг хормын дотор шийдэж өгдөг шинэ үеийн ухаалаг туслах юм.
Gemini AI гэж юу вэ?
Gemini бол Google-ийн хөгжүүлсэн хиймэл оюун ухаанд суурилсан цоо шинэ платформ. Тус платформ нь зургийг таньж, доторх текстийг ялган, үүнийг хүссэн хэл рүү – тухайлбал, монгол хэл рүү шууд орчуулах чадвартай. Ялангуяа текстийг шууд текстэн хэлбэрээр биш, зураг дотор бичигдсэн тохиолдолд улам илүү хэрэгтэй.
Яаж ашиглах вэ?
-
https://gemini.google.com/app хаягаар орно. (Gmail хаягтайгаа нэвтэрнэ.)
-
Орчуулахыг хүссэн зурагаа upload хийнэ.
-
Доорх prompt маягаар асууна:
“Энэ зураг дээрх текстийг монгол хэл рүү орчуулна уу.”
-
Gemini AI хэдхэн секундын дотор зураг доторх текстийг задлан уншиж, орчуулж өгнө.
Яагаад Gemini-г ашиглах хэрэгтэй вэ?
-
Цаг хэмнэнэ – OCR програм хайх, гараар бичих шаардлагагүй.
-
Олон хэлтэй зураг дээр ажиллана – Англи, япон, солонгос зэрэг хэлнээс шууд хөрвүүлж чадна.
-
Хэрэглэхэд хялбар – Энгийн интерфэйстэй, нэвтрэхэд Google бүртгэл байхад л хангалттай.
-
Үнэгүй – Одоогоор үндсэн хэрэглээ үнэгүй хэвээр байгаа.
Хэзээ хэрэг болох вэ?
-
Гадаад эх сурвалжаас мэдээ, пост бэлтгэх үед
-
Сошиал медиа контент дүн шинжилгээ хийхэд
-
Судалгаа, презентац бэлтгэх үед
-
Гадаад апп, хэрэгсэл дээрх заавар, интерфэйсийг ойлгох шаардлагатай үед
Хиймэл оюун ухааныг өдөр тутмын хэрэглээндээ ухаалгаар ашигласнаар та илүү хурдан, бүтээлч ажиллах боломжтой болно. Зурган дээрх текстийг монгол хэл рүү хөрвүүлэхийн тулд заавал тусгай програм суулгах шаардлагагүй — Gemini AI бол яг одоо туршиж үзэхэд хамгийн тохиромжтой, хүчирхэг хэрэгсэл юм.
