Исгэсэн хүнс болох кимчи, тараг, комбуча, кефир, мисо зэрэгийг тогтмол хэрэглэх нь гэдэсний бичил биетний олон янз байдлыг нэмэгдүүлдэг нь тогтоогдсон бөгөөд энэ нь дархлаа дэмжих, сэтгэл санааг тогтворжуулахад шууд нөлөө үзүүлдэг. Стэнфордын их сургуулийн хийсэн нэгэн клиник судалгаагаар 10 долоо хоногийн турш исгэсэн хүнсээр баялаг хоолны дэглэм барьсан оролцогчдын гэдэсний бичил биетний төрөл зүйл мэдэгдэхүйц өсөж, архаг стресс болон аутоиммун өвчнүүдтэй холбоотой үрэвслийн уураг буурсан нь хэмжигдсэн байна.
Энэ нөлөө нь Lactobacillus, Bifidobacterium зэрэг ашигтай бичил биетнүүд буюу пробиотик агуулсантай холбоотой. Эдгээр нянгууд нь антибиотик хэрэглэсний дараах гэдэсний бичил биетний тэнцвэрийг сэргээж, хоол боловсруулах үйл ажиллагаа болон шим тэжээл шимэгдэлтийг дэмждэг.
Хоол боловсруулах эрхтний эмч Доктор Харшвардхан Чаукулкар-ын тэмдэглэснээр, исгэсэн хүнс нь серотонин зэрэг мэдрэлийн дамжуулагч бодисын нийлэгжилтийг өдөөж, сэтгэл санаа, нойр болон стрессийн хариу урвалд эерэгээр нөлөөлдөг ажээ.
Монголчууд бидний хувьд тараг, айраг, ингэний ундаа гээд исгэсэн хүнс арвинтай ард түмэн билээ. Монгол хүний биед Монгол хүнс хамгийн тохиромжтой. Хоол хүнс нь хүний генийг өөрчилдөг учир Монгол хүн Монгол зоог хүнсээ түлхүү хэрэглэх нь эрүүл байх үндэстэй.
Эх сурвалж: Стэнфорд Их Сургуулийн клиник судалгаа (дүүргэлттэй хоолны дэглэмийн туршилт)
