Монголчуудын уламжлалт хоол хүнсний нэг болох гүзээ чанасан шөл эрүүл мэндийн үнэ цэнтэй эх үүсвэр гэдгийг эрдэмтэд онцолдог. Шөлийг хөргөгчинд хадгалах үед цэлцэгнүүр шиг хатуурдаг нь коллагенээр маш баялаг болохыг илтгэнэ. Энэхүү шөлнөөс гаргаж авсан тос, коллаген нь зөвхөн хоолны амт чанарыг сайжруулаад зогсохгүй, бие организмд олон талын ашигтай.
Гүзээний эрүүл мэндийн ашиг тус:
-
Өндөр коллагентой – Арьсыг залуу, уян хатан байлгаж, үе мөчийг хамгаалдаг.
-
Магни ихтэй – Биеийн бодисын солилцоог дэмжиж, мэдрэлийн системийг тайвшруулна.
-
Цөсний үйл ажиллагааг сайжруулдаг – Хоол боловсруулах эрхтний хэвийн ажиллагаанд тустай.
-
Холестериныг бууруулдаг – Цусан дахь сахарын хэмжээг тогтворжуулж, чихрийн шижингээс урьдчилан сэргийлэхэд дэмжлэг үзүүлнэ.
-
Кальциар баялаг – Шүдийг хамгаалж, үс бууралтаас сэргийлнэ. Ясны сийрэгжилтээс хамгаалах ач холбогдолтой.
-
Эхийн сүүг нэмэгдүүлдэг – Төрсний дараах эмэгтэйчүүдийн хөхөнд сүү оруулахад тусалдаг.
-
Дархлаа болон тэнхээг дэмждэг – Биеийн эсэргүүцэл нэмэгдүүлж, ядаргаа тайлна.
Гүзээний шөл бол зөвхөн уламжлалт хоол биш, эрүүл мэндийг хамгаалагч байгалийн эм гэж хэлж болохуйц хүнсний үнэт баялаг юм. Мөнхийн залуу нас, эрүүл амьдралыг бэлэглэгч нь гүзээ хэмээн үздэг нь ч учиртай.
Гүзээ нь малын угтвар ходоод учраас эрүүл мэндэд онцгой ач тустай бүтээгдэхүүн юм. Түүний холбогч эдийн агууламж өндөр (коллаген, редуклин) нь хүний арьсанд чухал үүрэгтэй: арьсны холбогч эдийн коллагены хэмжээ буурвал арьс үрчлээтэж, хөгшрөлт хурдан явагддаг. Гэхдээ долоо хоногт нэг удаа гүзээ, толгой шийр, хуйх хэрэглэснээр арьсыг үрчлээтэхээс урьдчилан сэргийлж болно.
Гүзээ нь коллаген, магни, манган, глюкозамин, В төрлийн амин дэм, кальци зэрэг эрдэс бодис, амин хүчлийг агуулдаг.
-
Коллаген ба глюкозамин: Арьс, үе мөчийг дэмжиж, дархлаа сайжруулдаг. Коллаген хүний биед 85–95 хувиар шимэгддэг.
-
Магни: Цөсний хүчлийн ялгаралтыг дэмжиж, холестерины хэмжээг бууруулна. Энэ нь сахарын өвчнөөс сэргийлэхэд тустай.
-
Манган: Цусан дахь сахарын хэмжээг тэнцвэржүүлж, эрүүл бодисын солилцоог дэмждэг.
-
Кальци: Яс, шүд, үсийг бэхжүүлж, ясны сийрэгжилтээс сэргийлнэ.
-
В төрлийн амин дэм: Эрдэс бодисын шимэгдэлтийг дэмжиж, биеийн дархлааг нэмэгдүүлдэг.
Гүзээний салслаг бүрхэвчийг цэвэрлэхгүйгээр хэрэглэх нь коллаген, глюкозаминаа бүрэн авч, шөлний амин дэмийг алдалгүй хэрэглэх боломжийг олгодог.
Ямааны гүзээ хамгийн их коллаген, глюкозамин, манган, кальци агуулдаг бөгөөд азийн эмэгтэйчүүд эртнээс үүнийг эрүүл мэнд, гоо сайхны бүтээгдэхүүн гэж үзэж ирсэн байна. Одоо ч олон оронд гүзээг шөл, хатаасан бэлдмэл хэлбэрээр тогтмол хэрэглэн дархлаагаа дэмждэг уламжлалтай.
Гүзээний шөл хийх арга
Орц:
-
Үхэр, хонь, ямааны гүзээ – 1 кг орчим
-
Ус – 3-4 литр
Хийх аргачлал:
-
Гүзээг цэвэрлэх:
-
Гүзээгээ сайн угааж, давс, гурилаар үрж шороог нь арилгана.
-
Хэдэн удаа буцалсан усанд дарж, гадаад үнэрийг нь дарвал илүү амттай болдог.
-
-
Чанах:
-
Том саванд 3-4 литр ус хийгээд гүзээг хийж буцалгана.
-
Буцалгах явцад гарах хөөсийг байнга хамж цэвэрлэнэ.
-
Халуун зөөлөн гал дээр 2-3 цаг орчим чанаж, гүзээ зөөлөн болох хүртэл даруулна.
-
-
Хоолны амт оруулах:
-
Чанаж буй явцад хэрчсэн сонгино, лууван, манжингаа хийж өгнө.
-
Давс, перецээр амтална.
-
-
Дуусгах:
-
Гүзээ зөөлөрмөгц жижиг хэрчиж шөлөндөө буцаан хийж 10-15 минут буцалгаад бэлэн болно.
-
Зөвлөгөө:
-
Хөргөгчинд хонуулбал шөлний тос нь хатуурч, коллаген нь цэлцэгнүүр шиг болж, илүү шим тэжээлтэй байдгийг мартаж болохгүй.
-
Шөлөндөө ногоон сонгино, яншуй хийвэл илүү амттай болно.
- Өдөр тутамын хоол хүнсэндээ хэрэглэхийн тулд чанасан шөлөө шилэн саванд хийгээд хадгалаад өдөр тутамдаа хоолондоо хэрэглээрэй.
Энэхүү мэдээлэл нь зөвхөн ерөнхий мэдээ, мэдээлэл өгөх зорилготой бөгөөд мэргэжлийн эмчийн зөвлөгөөг орлохгүй. Эрүүл мэндийн асуудалтай бол эмч эсвэл мэргэжлийн байгууллагад хандахыг зөвлөж байна.
Эх сурвалж: Эрүүл мэнд
